Smnewstl.com -Liquiçá, 08/09/2023 – Ministériu Edukasuan kontinua aposta ba melloria kualidade ensinu, liu-hosi hatoman alunu sira bá leitura livru sira.
Tan ne’e, Iha loron mundiál literásia ne’ebé realiza iha Eskola Bázika Filiál, iha Postu Administrativu Mauvara, Munisípiu Liquisa, Ministra Dulce de Jesus husu inan-aman atu aproveita tempu ho máximu, hodi hanorin oan sira no hatoman ho leitura.
Medida ne’e, tuir Dulce de Jesus sei kontribui hodi hadi’a kualidade edukasaun, tanba konsidera katak, literasia mak baze ba aprendisajen.
“Importante liu mak atu fó hanoin ba profesór air, inan-aman, joven feto no mane no ba ema hotu hodi lee hamutuk ho oan sira atu hatoman-an lee livru, revista, jornál no seluk tan”, Tenik Governante ne’e.
Dulce fundamenta katak, baze literasia ba alunu sira mak primeiru ano, waihira la solida mak sei kontribui ba kualidade prosesu apredisajen, tanba sei iha difikuldade hodi absorve materia sira hanesan matemátika, siénsia no materia importante seluk.
Komemorasaun loron mundiál literasia ne’ebé apoia husi ajénsia Mary Mackillop Today, partisipa husi Xefe Kaza Sivil husi Prezidénsia Repúblika, Prezidente INFORDEPE, reprezentante Embaixadora Austrália, inan-aman alunu sira no entidade seluk husi Munisípiu Liquisa.(Smnews)
Komentariu