Deonizia dos Reis Lakon Vida Hafoin Mout Iha Mota Lavateri

SMNewstl.com 04-01-2022 (Dili) – Atensaun ba sidadaun sira hotu katak, laos deit korenti tasi maka sai ameasa ba vida umana, maibe mos mota. Realidade Tersa-feira, (04-01-2022), sidadaun feto foinsa’e ida ho naran kumpletu Deonizia dos Reis (15) lakon vida hafoin mout iha mota Lavateri, Posto Administrativo Laga, Municipio Baucau.

Imagen Sidadaun feto foinsae ho idade 15 ne’ebe mout iha Mota Lavateri, Terrsa-feira, 04-01-2022. Imagem Facebook

Ba SMNews via telefone, aman kik husi matebean Salustiano Bernardo Pereira haktuir, akontesimentu ne’e akontese iha tuku tolu lokoraik. Nia haktuir, matebean ho nia alin nain tolu hamutuk ho vizinho nia oan ida maka haris nune’e akontese situasaun ne’ebe la espera ne’e.

Imagen Sidadaun feto foinsae ho idade 15 ne’ebe mout iha Mota Lavateri, Terrsa-feira, 04-01-2022. Imagem Facebook

“Akontesimentu ne’e hau iha hela uma no tun ba ne’e labarik mut tia ona, sira kuaze nain lima mak ba haris iha tuku tolu lokoraik ne’e no matebean mak mout,”haktuir Salustiano.

Nia hatutan, hanesan familia sente lakon tebes oan ne’ebe sira hadoomi, maibe ba planu nai maromak laiha ema bele deskobre. Dadaun ne’e nia dehan, mateban asegurado ona iha uma no sei halo’ot tuir tradisaun ka lisan Timor nian.

Imagen Sidadaun feto foinsae ho idade 15 ne’ebe mout iha Mota Lavateri, Terrsa-feira, 04-01-2022. Imagem Facebook

Antes ne’e iha Posto Administrativo Kelikai, Municipio Baucau, familia ida kompostu husi feton ho nan nain tolu inklui prima ho primu nain rua maka lakon vida hafoin mout iha tasi. Ligado ho situasaun ne’e, husu nafatin ba sidadaun sira hotu atu laos deit iha tasi maka presiza vizilansia, maibe mos iha mota sira mos presiza kuidadu a’an wainhira nani la hatene. (Rio)