Smnewstl.com 24-09-2021 (Dili) – Klube Futebol Boavista FC de Timor ne’ebé antes ne’e deklara ba publiku taka pertamente no la kompete ona iha jogu Liga Futeból Timor-Leste (LFTL), tanba enfrenta krize finanseira ikus mai deside atu partisipa fali iha jogu LFTL nian, hamutuk ho klube sira seluk, hodi harame fali desportu iha Timor-Leste.
Manager Klube Boavista Fc de Timor, Ezzy Leong konfirma, antes ne’e, klube Boavista FC de Timor hatama ona karta rejignasaun bá LFTL hodi la partisipa ona jogu sira.
Maibé, iha kinta (23-09-21), Boavista FC de Timor, simu konvite husi órgaun LFTL hodi partisipa iha enkontru ne’ebé hala’o entre LFTL ho klube sira.
Liu husi enkontru refere, maka órgaun LFTL esplika bá klube sira koa-ba konkordánsia entre LFTL ho Federasaun Futeból Timor-Leste (FFTL) nian bá oin, nune’e estrutrua Boavista konvensidu no deside partisipa fila-fali iha Liga.
“Maske ami hatama tiha karta rejignasaun ona, maibé loron tolu ou loron ha’at liu bá ami simu nafatin konvite husi órgaun liga LFTL, ne’ebé ami konsidera bé konvite ne’e, ami bá partisipa nafatin, entaun hodi kalan como Prezidente Liga Prezidente Federasaun sira iha ona konkordánsia hodi halo planu di’ak bá oin, entaun sira ko’alia mai ami tetu bá mai di’ak, ne’ebé ami tur hamutuk ona ami deside parttisipa fila-fali,” informa Manager Klube Boavista, Ezzy Leong bá Swmnestl.com via telefóne.
Ezzy Leong esplika, sira deside rejigna aan husi jogu LFTL nian, tanba rajaun krize finanseira, tanba investimentu bá klube hodi partisipa iha jogu, laiha lukru bá klube, maibé iha de’it mak despezas.
Maibé nia hatutan, maske la hetan lukru ne’ebé di’ak, maibé importante mak LFTL tenki hatudu rezultadu ne’ebé di’ak ho kualidade.
“Finanseiru ne’e não quer dizer dehan, klub labele finansia la’e, maibé klube tetu klube nia gastus boot mais ita gastus bá planu laiha ne’e ita, ita lakoi buat ne’ebé nia planu ne’e di’ak. Bu’at ne’e ita gasta sein lukru, saida mak ita gasta la hanesan ho saida mak ita hetan, ne’ebé ita hakarak mós nia rezultadu ne’e bele hetan kualidade ne’ebé di’ak,” afirma Ezzy.
Manager ne’e realsa, sei konvoka enkontru go jogadór sira, tantu jogadór lokál no mós estranjeiru, hodi esklarese kona-ba situasaun ne’ebé klube hasoru.
Dadaun ne’e, Boavista FC de Timor nia jogadór estranjeiru Vaka Yoko ne’ebé sosa husi klube SLB Laulara mak fila ona bá nia nasaun, enkuantu jogadór Brazileiru Italo Soare (antes ne’e joga iha Lalenok United) ho Boaten mak sei mantein iha Boavista, tanba selebra ona kontratu ho klube.(ant)
Komentariu