Austrália No Amérika Aprezenta Projetu Submarinu Nuklear Ba Prezidente Repúblika

Smnewstl.com -Palásiu Prezidensiál, Nicolau Lobato, 16 Marsu 2023 Embaixadór Austrália iha Timor-Leste, Bill Costello no Enkarregadu Negósiu Estadus Unidus Amérika iha Timor-Leste, Tom Daley, Kinta-Feira ne’e, hasoru malu ho Prezidente Repúblika, José Ramos-Horta, hodi aprezenta kona-ba projetu submarinu nuklear.

Projetu ne’e bazeia ba akordu ne’ebé anunsia husi Austrália, Estadus Unidus Amérika no Reinu Unidu, hodi haforsa kapasidade austrália, hodi opera ba submarinu konvensionál.

“Vizita ohin atu fó briefing ba Señor Prezidente kona-ba anúnsiu importante husi Prezidente husi Estadus, PrimeiruMinistru Austrália no Primeiru-Ministru Reinu Unidu, ligadu ho futuru kooperasaun, dezenvolvimentu kapasidade Austrália, atu opera submarinu ba armamentu konvensionál, ho forsa nuclear,” hateten Embaixador Austrália, Bill Costelo.

Diplomata Australianu akresenta katak, “Planu longu prazu atu Austrália, hodi responde ba ambiente estratéjiku iha rejiaun. Ita envolve Estadus Unidus Amérika no Reinu Unidu, hodi   apoia kapasitasaun ba operasaun submarinu ho seguru,”

Aliadu Austrália, Estadus Unidus Amérika no Reinu Unidu hakarak kria jerasaun submarinu, no permite marina Austráliana ekipada ho submarinu nuklear tolu ne’ebé prodúz husi Estadus Unidus Amérika no Tasi Timor hanesan territóriu kle’an no bele fasilita operasaun submarinu nuklear no konvensional.(smnews)