Smnewstl.com DILI– Ekipa Futebol Feto Vale de Lahane sussesu haknauk pontus 3 iha Jogu Abertura hafoin halakon sira nia adversario Maudoko FC nebee Konhesidu ho naran Maudoko Ladies ho Score 2-0.
Observasaun Jogu, Iha premeira parte ekipa rua mai ho ambisaun hanesan tanba hakarak hadau pontus 3 husi jogu refere, maibé ekipa VDL domina liu bola kompara ho Maudoko fc ne’ebé ladun hetan bola husi sira nia ain.
Jogador VDL ho numeru kamizola 7 Natacia Boavida hatudu duni nia tatika jogu hodi halo lina defeza Maudoko fc tenki hasai Kosar atu salva sira nia rede.
Iha minutu 42 defeza Maudoko fc ho numeru kamizola 10 komete eru hafoin bola kona besi rin hodi monu ba jogador refere nia liman, no arbitu ne’ebe lidera jogu foti kedas desijaun hodi fo penaltu ba VDL.
Natacia Boavida ne’ebe hetan konfia hanesan ezukutador susesu halo nakles rede Maudoko hodi taka primeira parte ho skor 1-0.
Hakat ba segunda parte ekipa Maudoko tenta muda sira nia tàtika jogu, sira koko halao jogu ho bola aas ka long, enkuantu VDL FC responde ho bola badak husi ain ba ain hodi halo defesil liu tan ba Maudoko fc atu ultrapasa ba lina oin VDL.
Maudoko Konsege halo ameasa balun ba VDL liu husi jogador numeru kamizola 17, maibé opurtunidade dala rua ne’ebé nia hetan la konsege fura rede VDL.
VDL fc fila hikas hodi Marka golu ba rede Maudoko fc nian ba dala rua iha minutu 46 liu husi jogador numeru kamizola 27 Lucia Ximenis hodi hasai eskor ba 2-0.
Ho eskor refere halo Maudoko fc hader hikas hodi hala’o jogu ho ritmu moris liu tan no sira koko fo ameasa nafatin ba rede VDL maibe nafatin la rejulta golu, enkuantu VDL nebee lidera ona Score Komesha Redus sira nia atake no tenta halo jogu ho defensivu too jogu remata score nafatin 2-0 VDL Lidera.
Ho vitoria nee, VDL Provijirio lidera iha Tabela Klasifikasaun ho pontus 3 no hanehan sira nia adversariu maudoko ba iha pojisaun okos liu ho pontus 0.
Entertantu ekipa segundu devizaun liga feto hamutuk 7 mak partesipa ihakompostu husi Maudoko fc,Vale De Lahane (VDL) ASS Baucau, Unital FC, Sao Jose, Nain Feto, U 16 National Womens.
Komentariu