Aasaltu ba Membro GAM PSHT, Ekipa Konjunta Kaer Ema Nain 4 Iha Vila-Verde

Smnewstl.com 20-08-2022 (Dili) – Ekipa konjunta Servisu Sekreta hosi SIP, Makikit no Unidade Falintil, kaptura ona ohin dadur autór ba kazu tentativu omesidu, danu agravadu no-mós Armas Brankas.

Autor ho inisial AJG, tinan 20 inklui nain 4 seluk kapturado iha Matadoro, Suku Vila-Verde, oras 11.00 otl, tanba diskumfia halo asaltu ba membru GAM PSHT ne’ebé simu graduasaun hafoin fila ba ida-idak nia hela fatin. Asaun husi suspeitu sira nian rezulta vitima feto nain 2 no mane nain 3 husi GAM PSHT hetan kanek grave.

Tuir Kronolojia ne’ebe Smnews asesu husi pagina official relasaun publiku Ministerio Interior komfirma, antes ne’e suspeitu sira iha ona planu nune’e halo grupu rua hodi fahe malun hein iha dalan diresaun Igreja Katedrál sae ba Tuana Laran Aldeia Virgoloza, Suku-Vila Verde, Postu-Administrativu Vera Cruz, Munisípiu Dili.

Nia hatutann, iha ne’ebe oras tuku 4:00 madrugada membru husi GAM PSHT remata atividade simu graduasaun atu fila ba ida-idak nia uma to’o iha dalan, fatin akontesimentu hetan kedas asaltu husi suspeitu ho nia maluk sira ho fatuk inklui lori mós samurai ida hodi rejulta vitima nain 5 mane nain 3 ho feto nain 2 husi GAM PSHT hetan kanek grave iha parte ulun, ne’ebe rezulta ran sai makas..

Aliende ne’e, tuui informasaun ne’ebe Smnews asesu komfirma, suspeitu antes ne’e komete ona kazu Furto/naok inklui asalta malu iha kapitál Dili no ekipa servisu kaptura tiha entrega ba Eskuadra PNTL Dom-Aleixo, maibé ikus mai suspeitu hetan Termu Identidade Rezidencia(TIR) hodi halo aprezentasaun ba polísia kada semana.

Depois kaptura suspeitu deklara katak nia ho nia kolega sira hamutuk nain 8 seluk ne’ebé maka halo asaltu ba Membru GAM PSHT to’o hetan Grave. Agora dadaun ekipa konjuntu kontinua buka suspeitu sira seluk ne’ebe maka sei halai Subar. (Rio)